Tak se myśla, co by tukej dzisioj naszkrobać. Cosik innego, ale tysz co by było rychtik ciekawe. I nic mi innego nie przyłazi do gowy, ino tyn nosz Górny Ślonsk.
Miejsce w kierym żyjemy, wychowujemy nasze pociechy. Tukej momy robota i swoje zwyczaje.
Momy swoja gwara kiero nie przez wszystkich jest rozumiano i niestety, ale już coroz czyńści zapominano.
Momy trocha inkszo kultura, język. Gwara momy tako że jest wziynte troszka z niemieckiego i trocha z czeskiego.
Niekierzy z nas mają tu swoje rodziny z dziada, pradziada. Inni zaś tukej sie urodzili, ale ich rodzice abo dziadkowie przijechali kedyś z innych regionów Polski.
Nie godom, że kaj indziyj jest inakszej, ale mom takie poczucie, że u nas trzymomy się fest z rodzinom.
Godo sie że " z rodzinom najlepij sie wyglondo na zdjynciu". Jo tak se myśla, że u nos nie ino na zdjenciu, ale i na co dziyń. Nie obchodzymy imienin chyba, że to jest Barbara. No, ale to każdy wiy czamu. Górnicy u nas są wszyndzie. Prawie w każdej rodzinie je jakiś górnik co robi na dole.
Robjymy za to urodziny. I wtedy zjeżdżo sie cało rodzina. I jest bardzo wesoło.
Rychtik srogie urodziny robi się jak kieryś mo Abrahama czyli jak sie kończy 50 lot.
Momy też swoje inne zwyczaje kierych pilnie przestrzegomy.
Ino u nas przed weselem tucze się szkło przed drzwiamy dziołchy kiero mo się wydować. Jest to przeważnie w piontek przed ślubem. Tucze się tak dugo, aż panna młodo wylezie ze kołoczem i gorzołą.
Fest ważny jest u nas Kościół, bo Ślonzocy są bardzo pobożni. W niekierych Kościołach łazi się jeszcze na tzw. ofiara. Wciepuje się wtedy datki do koszyka, abo skrzinki kiero jest na środku przed ołtarzem abo za nim. Jak jest odprawiano msza św. za kogoś to na ofiara idzie najpierwyj rodzina, sąsiedzi, a potem znajomi.
Jak jest Wigilia Bożego Narodzenia to musowo momy na stole dwanoście potraw, a w nich moczka i makówki. Prezynty przynosi wtedy pod choinka Dzieciątko, a Mikołaj przyłazi ino 6 grudnia ;-)
Do starszych godo się na "Wy" przez szacunek.
Dzieci kiere idą piyrwszy roz do szkoły dostowają tyta. Czyli tzw. róg obwitości wypełniony wszelakimi słodyczami.
Niekiere chopy hodują jeszcze gołębie, kanarki, abo papugi.
Fajnie sie żyje na ślonsku. Rychtik fajnie. Tak se myśla czamu tera niekierzy ludzie wstydzom sie tyj gwary.
Moja rodzina cało jest ze Ślonska. Jak my były małymi dziołszkami to sie w szkole mówiło, a w doma godało.
I nic mi sie nie myliło. Ino kedyś, chyba w trzecij klasie jak Pani nom zrobiła dyktando to nie rozumiałach czamu jo dostała sztyry a nie pjyńć.
Poszłach do dom i sie dowiedziałach, że nie pisze się zygor, a zegar.
Tak se myśla, że Wy to wszystko wiycie, ale jakby się tak zdarzyło, że czyto to jaki chop, abo baba co na ślonsku żyją, a nie pochodzą tukej z tych stron to ciekawo żech jest, czy ktoś cosik, aby zrozumioł z tego co jo to napisała.
Szukałach dzisioj jakichś fajnych stron po ślonsku i napotkałach na tako strona o pewnym fojermonie, kiery już jest na penzyji, ale leje woda tera w internecie. Łobejrzyjcie sie jak mu to wychodzi.
Dobra... To ida kulać kluski, bo jutro niedziela i trza co by tradycji stało sie zadość.
A w piontek i tak bydzie żur ;-)
Herb Województwa Śląskiego przedstawio złotego orła Piastów górnośląskich bez korony, łobroconego w prawo, na modrym tle.
Agnyszka
Agnyszko nieźle sam bazgorsz ale trocha bulisz sam z tom godkom bo pisze sie mszo a nie msza, nos a nie nas, inkszego a nie innego, noprzod a nie najpierwyj, wilijo a nie wigilia i tak dalij.
OdpowiedzUsuńMożesz to podszkolić za pora groszy u gryfnych koleżanek ze Łazisk :-))
Bo jo to pisałach trocha na wartko dziołchy!
OdpowiedzUsuńMusicie mi trocha pofolgować, bo nie godom na codzień i myli mi sie ta godka;-)